Fransanın paytaxtı Parisdəki Milli Təbiət Tarixi Muzeyindən təxminən 700 min dollar dəyərində kobud qızıl nümunələri oğurlanıb.
Sitat.info xarici mediaya istinadən xəbər verir ki, oğurluq çərşənbə axşamı səhər tezdən muzeyin Geologiya və Mineralogiya Qalereyasında baş verib. Mühafizəçilər vəziyyəti aşkar edərək hadisə yerinə polis çağırıblar.
Muzey rəhbərliyi hadisənin “tamamilə peşəkar komanda” tərəfindən həyata keçirildiyini və oğruların qızıl nümunələrinin saxlanıldığı ərazini birbaşa hədəfə aldığını bildirib.
Muzeyin baş direktoru Emmanuel Skoulios deyib ki, bu təsadüf deyildi, onlar hara gedəcəklərini dəqiq bilirdilər.
Sitat.info
