"2024-cü ilin 19 sentyabrında Prezidentin Sərəncamı ilə hər il 20 sentyabr Dövlət Suverenliyi Günü kimi qeyd ediləcək. Suverenlik istənilən xalqın ən böyük arzusu, niyyətidir".
Bunu Konstitusiya Məhkəməsinin sədri Fərhad Abdullayev Milli Məclisin "Konstitusiya və Suverenlik İli" çərçivəsində Dövlət Suverenliyi Gününə həsr etdiyi konfransda bildirib.
O qeyd edib ki, keçmişə dəyər verməli və gələcəyimizə bütün istiqamətlərimizi yönəltməliyik:
"Arzumuz odur ki, Azərbaycan müstəqil dövlət kimi dünya birliyində öncüllərdən olsun. Xatirimizdədir ki, uzun illər ərzində, 30 il müddətində Azərbaycan torpaqları işğal altında olub və biz belə bir mühitdə yaşamışıq. Bu müddətdə Azərbaycan öz əzmini itirməyib və suverenliyə aparan yolu hər zaman axtarıb".
