Füzuli rayonunun işğaldan azad edilmiş Şıxlı kəndində sakinlər bir araya gələrək kənd qəbiristanlığını bərpa ediblər.
Bu barədə Far.Az-in "qaynar xətti"nə sakinlər məlumat verib.
Bildirilib ki, Uzun illər baxımsız qalan və dağıdılmış qəbiristanlıq təmizlənib, qəbir daşları düzəldilib, ərazi abadlaşdırılıb.
Sakinlər bu addımı ata-babalarının xatirəsinə hörmət və doğma torpağa sahib çıxmaq niyyəti ilə atıblar.
Qeyd edək ki, kənd 9 noyabr 2020-ci ildə Azərbaycan Silahlı Qüvvələri tərəfindən işğaldan azad edilib.
