"Kayrat" klubunun baş məşqçisi Rafael Urazbaxtin UEFA Çempionlar Liqasının ilk turunda "Sportinq"lə oyunla bağlı fikirlərini bölüşüb.
İdman.biz xəbər verir ki, Qazaxıstan komandasının Çempionlar Liqasının əsas mərhələsində debütü 1:4 hesabı ilə məğlubiyyətlə başa çatıb.
"Bu, bizim üçün məyusedici nəticədir. Buraxdığımız qollara görə yox, 5 dəqiqə ərzində 3 qol buraxdığımıza görə. İlk hissədə bütün diqqətimizi hədəfimizə yönəltmişdik. Fasilədə bəzi düzəlişlər etdik. İkinci hissənin ilk 15 dəqiqəsində lazım olan kimi oynadıq. Ancaq bizim üçün oyun 60 dəqiqədən sonra başa çatdı. İndi irəliyə baxmaq və növbəti matça hazırlaşmaq lazımdır", - Urazbaxtin deyib.
Növbəti mərhələdə Portuqaliya komandası “Napoli” ilə (1 oktyabr), Qazaxıstan klubu isə “Real Madrid”lə (30 sentyabr) qarşılaşacaq.
İdman.biz
