İspaniyalı Formula 1 pilotu Karlos Sains “Uilyams” komandası adından Azərbaycan Qran-prisinin media günündə daimi stüardların tətbiqinin əhəmiyyətini vurğulayıb.
90deqiqe.Az xəbər verir ki, "Racingnews365" Sainsin dediklərini belə çatdırıb.
“Formula 1 və FIA razıdırlar ki, daimi stüardlar növbəti addım olmalıdır. Hər həftəsonu üç stüarddan ən azı ikisi sabit olmalı, biri isə təlim məqsədilə dəyişdirilməlidir. Bizə maraqlı olmamalıdır ki, bu ödənişi kim edir, çünki idmanda bu maaşları ödəməyə kifayət qədər pul var, eləcə də digər insanların maaşlarını ödəmək üçün kifayət qədər vəsait mövcuddur.
“Daimi stüardların tətbiqi düzgün qərardır və mənə inandırıcı deyil ki, biz hələ də maaşları müzakirə edirik. Bu hər bir pilotun epizodların necə qiymətləndirildiyini anlamağa kömək edər. Çünki həftədən həftəyə tamamilə fərqli insanlar olur, onda başa düşmürük ki, cərimə veriləcək ya yox.
“Bəzilər futbolu misal gətirə bilər, orada hakimlərin müxtəlifliyi var və kimsə iki-üç cərimə aldıqda deyir ki, stüard onu sevmir.”
