Argentina millisinin hücumçusu Lionel Messi ABŞ-ın “İnter Mayami” klubunda müqaviləsini uzatmaq üzrə danışıqlar aparır.
90deqiqe.Az-ın "ESPN"ə istinadən məlumatına görə, tərəflər artıq razılaşmanın son mərhələsindədir və yalnız bəzi detalları razılaşdırmaq qalır. Maliyyə şərtləri açıqlanmır, lakin rəsmi bəyanatın növbəti iki həftə ərzində gözlənildiyi bildirilir.
38 yaşlı Messi 2023-cü ildən “Inter Mayami”də çıxış edir. Cari MLS mövsümündə argentinalı hücumçu 21 oyunda iştirak edib, 20 qol və 9 məhsuldar ötürmə ilə yadda qalıb.
