Fransada kütləvi nümayişlər zamanı 180-dən çox şəx saxlanılıb.
Publika.az xəbər verir ki, bu barədə BFMTV ölkənin Daxili İşlər Nazirliyinə istinadla məlumat yayıb.
“31-i Parisdə olmaqla yüz səksən bir nəfər saxlanılıb”, – telekanala bildirilib.
BFMTV-nin məlumatına görə, azı 11 hüquq-mühafizə orqanı əməkdaşı xəsarət alıb. 10-a yaxın etirazçı və bir jurnalist də yaralanıb.
Xatırladaq ki, Fransada genişmiqyaslı etirazlar “Hər şeyi bağla” şüarı altında keçirilir. Onlar hökumətin təklif etdiyi qənaət tədbirlərindən əhalinin narazılığı fonunda baş verir.
