ABŞ Belarusun Belavia aviadaşıyıcısına tətbiq etdiyi məhdudiyyətləri aradan qaldırıb. Bununla belə, şirkətin bir sıra qaydalara tabe olması və onlara əməl etməsi tələb olunur.
Bu barədə RBC-Ukrayna ABŞ Ticarət Nazirliyinin Sənaye və Təhlükəsizlik Bürosunun (BIS) əmrinə istinadən məlumat yayıb. “Belavia” Amerika istehsalı olan “Boeing 737” təyyarələrini idarə etmək üçün rəsmi icazə alıb.
Sərəncamda səkkiz xüsusi təyyarənin iştirak etdiyi göstərilir. İcazə təkcə uçuş əməliyyatlarını deyil, həm də texniki xidmət, təmir, təkmilləşdirmə, eləcə də bu hava gəmilərinə aid ayrı-ayrı komponentlərin və materialların ixracı, təkrar ixracı və ölkə daxilində daşınmasını əhatə edir.
Bununla belə, Rusiya, müvəqqəti işğal olunmuş Krım, Donetsk və Luqansk vilayətlərinə, eləcə də İran, Suriya, Kuba və Şimali Koreyaya uçuşlara məhdudiyyətlər qalmaqdadır. ABŞ tənzimləyicisinin qərarında vurğulanır ki, bu bölgələrə uçuşlara yalnız ərizəyə ayrıca baxıldıqdan və fərdi lisenziya verildikdən sonra icazə verilir.
Əziz Mustafa
