UEFA Çempionlar Liqasının ümumi mərhələsinin ilk turunda ən maraqlı qarşılaşmalardan biri İtaliyanın "Yuventus" və Almaniyanın "Borussiya Dortmund" klubları arasında olub.
İdman.biz xəbər verir ki, İqor Tudorla Niko Kovaçın komandalarının oyunu 4:4 hesabı ilə başa çatıb.
Lakin 4:4 Tudorla Kovaçın qarşılaşdıqları oyunlarda ilk belə hesab deyil.
25 il əvvəl Çempionlar Liqasının qrup mərhələsində onların futbolçu kimi meydançaya çıxdıqları "Hamburq" - "Yuventus" oyunu da bu hesabla bitib. Həmin oyunda hesabı turinlilərin heyətində oynayan Tudor açıb. Kovaç isə "Hamburq"un dördüncü topunu vurub. Maraqlıdır ki, o vaxt da indiki kimi meydançada İtaliya və Almaniya komandaları üzləşiblər.
İdman.biz
