Alimlər 2019-cu ildə bitən, əvvəlkindən sonra yeni günəş dövrünün də eyni dərəcədə zəif olacağını proqnozlaşdırdılar. Lakin bu proqnozlar doğru deyildi. Solar Cycle 25 NASA və Milli Okean və Atmosfer Administrasiyasının (NOAA) gözlədiyindən daha güclü başlayıb.
KONKRET.az xəbər verir ki, günəş hər 11 ildən bir maksimum aktivliyə çatır, sonra yenidən minimuma enir.
Bu dövrdə günəş ləkələri, alovlanmalar və tac kütləsinin atılması artır və günəşin maqnit qütbləri tərsinə çevrilir. Bu dövrlərin əsrlər boyu qeydə alınmasına baxmayaraq, elm adamları günəşin davranışını dəqiqliklə proqnozlaşdıra bilmirlər.
Hazırda günəş küləyinin təzyiqi 20-ci əsrin əvvəllərində olduğundan hələ də aşağıdır. Lakin onun artmağa davam edib-etməyəcəyini və ya sabit qalacağını ancaq müşahidə ilə müəyyən etmək olar.
Xatırladaq ki, Keçmişdə “Maunder Minimum” kimi tanınan 1645-1715-ci illər və “Dalton Minimumu” kimi tanınan 1790-1830-cu illər arasında aşağı aktivlik dövrləri baş verib. Ancaq bu uzunmüddətli dəyişikliklərin səbəbləri hələ də məlum deyil.
Dəniz Pənahova
KONKRET.az
