ABŞ prezidenti Donald Tramp həyat yoldaşı Melaniya ilə birlikdə Böyük Britaniya kralı III Karlın Vindzordakı iqamətgahına gəlib.
Bu barədə Ağ Ev öz YouTube kanalında yayımlanan görüntülərdə məlumat verib.
Amerika liderinin helikopteri qəsrin qarşısındakı çəmənlikdə enib. Onları ilk qarşılayan Uels şahzadəsi Uilyam və həyat yoldaşı Ketrin olub. Daha sonra Tramp cütlüyü saraya doğru gedib və burada Böyük Britaniya monarxı Karl ilə onun həyat yoldaşı Kamilla tərəfindən rəsmi qarşılanıb.
Bundan sonra Tramp və xanımı, Karl III ilə birlikdə qara-qızılı faytonla saraya yollanaraq hərbi paradda iştirak ediblər. Orada ABŞ prezidenti Britaniya ordusunun hərbçiləri ilə görüşüb və kral ilə birlikdə qoşunların birgə baxışını keçirib.
