ain.az bildirir, Lent az saytına əsaslanaraq.
Əfqanıstan hakimiyyəti “pisliklərin qarşısını almaq” məqsədilə interneti söndürüb. Hökumət alternativ şəbəkə yaratmaq üzərində işləyir.
Lent.az-ın xarici mediaya istinadla məlumatına görə, taliblər məhdudiyyətlərin tətbiqini rəsmi şəkildə təsdiqləyiblər. Onlar optik interneti və Wi-Fi bağlantısını əhatə edir. Mobil şəbəkə hələ işləyir, lakin əhatə dairəsi ilə bağlı ciddi problemlər mövcuddur.
Əmri şəxsən “Taliban” hərəkatının lideri verib və məqsəd “əxlaqsız hərəkətlərin qarşısını almaqdır”. Hakimiyyət orqanları əhalinin əsas ehtiyaclarını qarşılamaq üçün alternativ şəbəkə yaratmağı planlaşdırır.
Qadağanın nəticələrini Əfqanıstan qadınları da hiss ediblər. İnternet onlara, ölkədə qüvvədə olan təhsil qadağaları fonunda, bilik əldə etmək üçün yeganə imkan idi.
Hazırda qadağanın digər vilayətlərə də şamil ediləcəyi barədə rəsmi məlumat yoxdur. Lakin “Afghanistan International”ın mənbələri bildirirlər ki, məhdudiyyətlər Uruzqan, Kandahar, Hilmənd və Nimroz vilayətlərində də tətbiq olunub.
Daha ətraflı məlumat və yeniliklər üçün ain.az saytını izləyin.
