Azertag portalından verilən məlumata görə, ain.az xəbər yayır.
London, 17 sentyabr, AZƏRTAC
ABŞ Prezidenti Donald Tramp və birinci xanım Melaniya Tramp Britaniyaya rəsmi dövlət səfəri çərçivəsində bu gün Vindzora yollanıblar.
AZƏRTAC xəbər verir ki, burada onları Uels Şahzadəsi Uilyam və onun həyat yoldaşı Keyt Middlton qarşılayıblar. Donra Prezident Tramp Kral Çarlz və Kraliça Kamilla ilə görüşüb.
Səfər çərçivəsində Vindzorda at arabası korteji təşkil olunacaq. Korteji Kral Süvari Alayı müşayiət edəcək, marşrut boyunca Böyük Britaniya Silahlı Qüvvələrinin nümayəndələri düzüləcək və həm ABŞ, həm də Böyük Britaniyanın himnləri səsləndiriləcək. Böyük Britaniya və ABŞ-ın F-35 hərbi təyyarələri, həmçinin “Red Arrows” qrupu tərəfindən aviaşou nümayiş etdiriləcək.
Daha sonra Prezident mərhum Kraliça Elizabetin məzarını ziyarət edəcək və dövlət ziyafətinə qatılacaq.
Aytən Abbaslı
AZƏRTAC-ın xüsusi müxbiri
London
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
