İsrail Müdafiə Qüvvələri (IDF) Qəzza zolağında Əl-Rantisi Uşaq Xəstəxanasını atəşə tutub.
Adalet.az xəbər verir ki, bu barədə Fələstin hökuməti məlumat yayıb
"Xəstəxananın yuxarı mərtəbələri bir-birinin ardınca bir neçə dəqiqə ərzində üç dəfə hücuma məruz qalıb. Bu cinayət İsrailin Qəzza zolağında səhiyyə sistemini çökdürmək üzrə ardıcıl siyasətini təsdiqləyir", - məlumatda qeyd olunub.
Əl-Rantisi Uşaq Xəstəxanası Qəzza zolağında xərçəng, eləcə də tənəffüs və mədə-bağırsaq xəstəlikləri diaqnozu qoyulmuş uşaqlara tibbi yardım göstərən yeganə müəssisədir. 80 xəstədən 40-ı sığınacaq axtarmaq üçün xəstəxananı tərk edib. Müalicə olunan uşaqların yarısı, valideynləri və tibb işçiləri ilə birlikdə daha da atəşə tutulma riskinə baxmayaraq, binada qalıblar.
