Çeçenistan Respublikasının rəhbəri Ramzan Kadırov regionun çətin dövründə rəhbərliyin sərt üsullarına haqq qazandırıb, lakin bildirib ki, terror təhlükəsi aradan qaldırıldıqdan sonra sərt tədbirlərə ehtiyac aradan qalxıb.
Publika.az xəbər verir ki, Kadırov bu barədə “RİA Novosti” agentliyinə müsahibəsində deyib.
“Bəli, mən terrorizmlə mübarizədə, vəzifə borcunu yerinə yetirə bilməyən, sadə vətəndaşları məyus edənlərlə münasibətdə qətiyyət və dürüstlük nümayiş etdirdim. Və bunun üçün heç bir utanc hiss etmirəm. O zaman lazım idi. Amma indi buna ehtiyac yoxdur”, - Kadırov bildirib.
Kadırovun sözlərinə görə, respublikada hər bir məmur öz layiqli yerini tutur. O, vurğulayıb ki, terror təhlükəsi aradan qaldırıldıqdan sonra sistem artıq saat mexanizminin dəqiqliyi ilə fəaliyyət göstərdiyi üçün ciddi tədbirlərə ehtiyac qalmayıb. Hazırda regional rəhbərliyin diqqəti sosial-iqtisadi inkişafa və uzunmüddətli planlaşdırmaya yönəlib.
