BAKI, 17 sentyabr. TELEQRAF
Venesuela ABŞ Dövlət Departamentinin respublikanı narkotik ticarətində ittiham edən hesabatını pisləyib.
Teleqraf xəbər verir ki, bu barədə Venesuela Bolivar Respublikası Xarici İşlər Nazirliyinin departament rəhbəri İvan Gil Pintonun "Telegram" kanalında yayımlanan bəyanatında deyilir.
"Venesuela Bolivar Respublikası, beynəlxalq ictimaiyyət və Latın Amerikası ölkələri ABŞ Dövlət Departamentinin bütün bəyanatları əsassız və ixtisaslaşmış beynəlxalq təşkilatların rəsmi məlumatlarına zidd olan hesabatını rədd edir və pisləyir", - XİN bildirib.
