ABŞ senatoru Linds Qrem Macarıstan və Slovakiyanı Rusiya neftini almaqdan imtina etməsələr, onların nəticələri ilə hədələyib.
HİT.az xəbər verir ki, bu barədə o, X sosial şəbəkəsində bildirib.
“Rusiya neftinin alınmasına gəlincə, indi demək olar ki, hamısı Macarıstan və Slovakiya payına düşür. Ümid edirəm və gözləyirəm ki, onlar tezliklə işə başlayacaq və bu qan gölünə son qoymağa kömək edəcəklər", deyə Qrem yazıb.
Senator əlavə edib ki, Avropa İttifaqının Rusiyadan neft almasını dayandırması tələbində ABŞ prezidenti Donald Trampla razıdır. O, Avropa ölkələrinin artıq Rusiyanın enerji xammalının idxalını əhəmiyyətli dərəcədə azaltması faktını "yaxşı fikir" adlandırıb.
Macarıstan və Slovakiya Rusiya neftinin tədarükünün qadağan edilməsi kontekstində daha çox xatırlanır, çünki onlar Avropa İttifaqında onun əsas alıcıları olaraq qalırlar. Fransa prezidenti Emmanuel Makron daha əvvəl aydınlıq gətirib ki, Ukrayna uzun müddətdir ki, bu iki Aİ ölkəsi ilə bağlı məsələdən və onların Rusiyadan neftlə bağlı qərarından narahatdır.
Samir
