BAKI, 16 sentyabr. TELEQRAF
“Şəhid adının əbədiləşdirilməsi və şəhid ailələrinə edilən güzəştlər haqqında” qanunda bir çox məsələlər yer alıb.
Teleqraf xəbər verir ki, bunu Milli Məclisin regional məsələlər komitəsinin iclasında komitə sədri Siyavuş Novruzov deyib.
Onun sözlərinə görə, bir sıra kəndlərdə deyək ki, beş şəhid olan qəhrəmanımız var: "Amma kənddə cəmi bir məktəb mövcuddur. Hesab edirəm ki, bu halda şəhidin birinin adını ona məktəbə vermək olar. Digərlərinin adının küçə və prospektlərə, parklara vermək mümkündür. Eyni zamanda keçmiş sovet dövründən qalma adlar da əvəzlənməlidir”.
