Qanunvericilik fəaliyyəti üzrə hökumət komissiyası Ədliyyə Nazirliyinin Cinayət Məcəlləsinin fərarilərlə bağlı maddələrinə hərbi əməliyyatlarda iştirak etmiş keçmiş məhbuslara şamil olunan ayrıca müddəaların əlavə edilməsi təklifini dəstəkləyib.
Herbiand.az xəbər verir ki, bu barədə RBK-yə görüşün yekun nəticələri ilə tanış olan şəxs və TASS-dakı mənbə bildirib.
Hazırlanan qanun layihəsinə əsasən, keçmiş məhkum tərəfindən 2 gündən 10 günədək müddətində üzrlü səbəb olmadan bölməni və ya xidmət yerini özbaşına tərk etməsinə və ya xidmət yerinə gəlməməsinə görə 6 ilədək müddətə azadlıqdan məhrum etmə ilə cəzalandırılır. Bir ay ərzində üzrlü səbəb olmadan xidmətə gəlməməyə görə 3 ildən 8 ilədək müddətə azadlıqdan məhrum etmə cəzasının tətbiqi təklif edilir.
Məhkumların silahla və ya bir qrup şəxs tərəfindən fərariliyinə görə 10 ildən 12 ilədək müddətə azadlıqdan məhrum etmə nəzərdə tutulur.
Rusiya Ədliyyə Nazirliyi özünü xəstəlik kimi göstərməyə, qulluq edənlər tərəfindən özünə hər hansı xəsarət yetirməyə və ya sənədləri saxtalaşdırmağa görə 7 ildən 12 ilədək müddətə azadlıqdan məhrum etməni təklif edib.
Bəxtiyar CƏFƏRLİ
