2025-ci il sentyabrın 14-də Xankəndi şəhərində baş verən hadisə, yalnız bir hüquq pozuntusu kimi qiymətləndirilə bilməz, həm də geniş siyasi və təhlükəsizlik aspektlərinə işıq tutur. Erməni əsilli Karen Avanesyanın, qabaqcadan gizlətdiyi silah və döyüş sursatları ilə Xankəndi şəhərində keçirilən tədbir yerinə yaxınlaşmağa çalışması, bu günkü erməni xislətinin və təxribatçı fəaliyyətlərin nə dərəcədə dərin köklərə malik olduğunu bir daha ortaya qoyur.
Avanesyanın saxlanılması ilə bağlı yayılan xəbərlərə görə, o, polislərə müqavimət göstərərək, əl qumbaraları atmış və avtomat silahdan atəş açmışdır. Bu, silahlı qarşıdurmaya səbəb olmuş və nəticədə Avanesyan yaralanaraq tutulmuşdur. Əməliyyat zamanı bir polis əməkdaşı da xəsarət alıb. Bu hadisə, yalnız konkret bir cinayət faktı deyil, həm də uzun müddət ərzində planlaşdırılan bir təxribatın həyata keçirilməsi cəhdi kimi qiymətləndirilə bilər.
Politoloq Arzuman Muradlı hesab edir ki, Karen Avanesyanın keçmişi, bu hadisənin bir təxribata çevrilməsini izah edən ən vacib faktorlardan biridir.
Politoloq hesab edir ki,Avanesyanın 1-ci Qarabağ müharibəsi dövründə Azərbaycan ordusuna qarşı döyüşüb və hətta Livanda gizli hərbi təlimlərə cəlb edilib, Avanesyan yalnız bir müharibə döyüşçüsü deyil, həm də geniş bir təxribat şəbəkəsinin üzvüdür.
“Azərbaycan artıq öz yolunu uğurla irəliləyir. Azərbaycanın müstəqil xarici siyasəti, güclü ordusu və beynəlxalq aləmdəki mövqeyi bu cür təxribatların qarşısını almağa imkan verir. Azərbaycan, artıq heç bir təxribatın, heç bir xarici qüvvənin bu yoldan döndərə bilməyəcəyini aydın şəkildə göstərib. Bu, yalnız Azərbaycanın daxili gücü ilə deyil, həm də beynəlxalq hüquqa və diplomatiyaya sadiq qalması ilə mümkün olub. Karen Avanesyanın bu əməli, Azərbaycanın təhlükəsizlik orqanları tərəfindən ciddi şəkildə araşdırılacaq və onun əməlinə görə müvafiq cəza veriləcəkdir. Bu hadisə, yalnız bir polis əməkdaşının yaralanması ilə nəticələnməyib, həm də Azərbaycanın dövlət təhlükəsizliyinə qarşı bir hücum cəhdi olub. Regionda sabitliyin qorunması və Azərbaycanın beynəlxalq nüfuzunun artırılması üçün bu cür hallara qarşı mübarizə aparmaq olduqca önəmlidir. Azərbaycan artıq öz gücünü nümayiş etdirib və hər hansı bir təxribatın qarşısını almağa qadirdir. Ermənistanın və digər maraqlı qüvvələrin regionda gərginlik yaratmaq istəyi, nə qədər genişlənərsə-əksinə, Azərbaycanın güclü dövlət strukturunun və beynəlxalq dəstəyinin təsiri ilə dayandırılacaqdır. Bu, Azərbaycanın təhlükəsizlik məsələsində öz yolunun və strategiyasının nə qədər doğru olduğunu bir daha sübut edir.” – deyə Arzuman Muradlı bildirib.
