Ötən həftə azadlığa buraxıldıqdan sonra Litvaya deportasiya olunmaqdan imtina edən belaruslu müxalifətçi siyasətçi Nikolay Statkeviç yenidən cəzaçəkmə koloniyasına qaytarılıb.
Qaziler.az bildirir ki, bu barədə müstəqil “Naşa Niva” nəşri məlumat yayıb.
Mənbənin sözlərinə görə, Statkeviç Qlubokoyedəki koloniyadadır. Bu məlumatı X sosial şəbəkəsində mühacirətdə olan müxalifət lideri Svetlana Tixanovskaya da təsdiqləyib.
"Biz beynəlxalq ictimaiyyəti onun azadlığını tələb etməyə çağırırıq", - Tixanovskaya bildirib. O vurğulayıb ki, siyasətçi iki ildən çox xarici aləmlə əlaqə saxlamadan təkadamlıq kamerada keçirib.
Mühacirətdə olan müxalifət deyir ki, azadlığa çıxanların ölkəni tərk etməyə məcbur edilməkdənsə, Belarusda qalmaq hüququ olmalıdır. Bu yaxınlarda azadlığa çıxanlardan bəziləri ölkədə qalmağa üstünlük verəcəyini bildiriblər.
QAZİLER.AZ
