“Starlink” problemləri bütün dünyada hiss edilib. İyulda 2,5 saat davam edən fasilə səbəbindən Ukrayna hərbçiləri dronlardan istifadə etməklə bir neçə əməliyyatı təxirə salmışdılar.
Ukrayna Silahlı Qüvvələrinin Pilotsuz Sistem Qüvvələrinin komandiri “Madyar” ləqəbli Robert Brovdi xəbər verir ki, “Starlink” terminalları Ukraynanın bütün cəbhə xətti boyunca yenidən işini dayandırıb.
Brovdi bildirib ki, yerli vaxtla saat 8:00-da sistemin işi tədricən bərpa olunmağa başlayıb. Onun sözlərinə görə, problemlərin səbəbi SpaceX sistemlərinin qlobal nasazlığı olub.
Downdetector xidmətinin məlumatına görə, Avropa və Asiyanın bir sıra ölkələrində, eləcə də ABŞ və Kanadada istifadəçilər “Starlink” peyk rabitə sistemində nasazlıqlar yaşayıblar.
Şikayətlərin pik nöqtəsi Bakı vaxtı ilə saat 8:30-da baş verib. Əksəriyyəti (60%) internetlə bağlı problemlərlə bağlıdır, istifadəçilərin 39%-i əlaqənin tam kəsilməsini bildirir, digər 1%-i isə şəbəkəyə qoşulmaqdaq problemindən şikayətlənir. Fasilələri şirkətin özü də təsdiqləyib. “Komandamız problemi araşdırır” deyə şirkətin saytında deyilir.
