Alman müdafiə nəhəngi Rheinmetall, Lürssen Group ilə Naval Vessels Lürssen (NVL) tərsanəsinin alınmasının əsas şərtləri ilə bağlı razılığa gəlib.
Herbiand.az xəbər verir ki, tərəflər 2026-cı ilin əvvəlində antiinhisar orqanlarının təsdiqi şərti ilə sövdələşməni rəsmi şəkildə bağlamaq niyyətindədirlər. Tərəflər alış qiymətini açıqlamamağa da razılaşıblar.
Rheinmetall bu mühüm satınalma ilə öz aktivlərini gəmiqayırma sahəsinə daxil etmək üçün genişləndirəcək. Eyni zamanda, Almaniya və Avropada müdafiə texnologiyalarının aparıcı təchizatçısı kimi mövqeyini gücləndirəcək.
"Gələcəkdə biz quruda, dənizdə, havada və kosmosda istifadə üçün əhəmiyyətli silah istehsalçısı olacağıq", - Rheinmetall-ın baş direktoru Armin Papperger bildirib.
Lürssen Maritime Beteiligungen GmbH & Co şirkətinin idarəedici partnyoru Fridrix Larssen qeyd edib ki, onlar Rheinmetall-ın simasında gəmiqayırma zavodlarının uğurlu gələcəyini təmin edəcək etibarlı və güclü tərəfdaş alacaqlar.
Bəxtiyar CƏFƏRLİ
