Portuqaliya mətbuatı Çempionlar Liqasının əsas mərhələsinin açılış turunda Lissabonda “Qarabağ”a qarşı keçirəcəkləri oyun öncəsi “Benfika” ilə azarkeşləri arasında çətin münasibətdən danışıb.
Sportal.az xəbər verir ki, “A Bola” nəşri sabah baş tutacaq oyunla bağlı bunları deyib:
"Benfika”da gərginlik hökm sürür. Bruno Lajenin komandası çempionatda ilk dəfə xal itirdi. Bu, növbəti prezident seçkilərinə hazırlaşan klubdakı vəziyyəti nəzərə alsaq, mövsümə yüksək gözləntilərlə başlayan komanda üçün pis əlamətdir. "Benfika" “Estadio da Luj”da "Santa Klara”ya 60-cı dəqiqədə vurduğu qolla demək olar ki, qalib gəlirdi. Lakin çox zəif futbol oynadı(1:1). Fasilə 0:0 hesabı ilə bitəndə artıq tribunadan fit səsləri eşidilirdi. İkinci hissədə onlar cəsarətli idilər, lakin matçın sonunda fit səsi eşidilmədi. Baş məşqçi meydanı tərk edəndə də insanların narazılığı aydın idi.
"Benfika"nın futbolunun keyfiyyəti ötən mövsüm artıq sual altında idi. Baxmayaraq ki, komanda çempionluq uğrunda sona qədər mübarizə apardı. Bu mövsümün başlanğıcı Laje üçün asan olmadı. Amma o, Superkuboku qazandı və komandanı Çempionlar Liqasının əsas mərhələsinə çıxardı, eyni zamanda çempionatdakı bütün matçlarda qalib gəldi. Lakin bu da azarkeşlərin inamını qazanmaq üçün kifayət etmədi.
Lissabon klubunun azarkeşləri, 2022/2023 mövsümündə Rojer Şmidtin rəhbərliyi altında olduğu kimi, daha aqressiv, hücuma meylli və yaradıcı “Benfika”nın tərəfdarıdırlar. Nəhayət, gərginlik o həddə çatıb ki, tənqidlər klub prezidenti və növbəti prezidentliyə namizəd Ruy Koştaya yönəlib. Çərşənbə axşamı Çempionlar Liqasının "Qarabağ"la oyununda "qartallar"ın azarkeşlərin gözləntilərini puç etməyə haqqı yoxdur. İstənilən başqa nəticə fəsadlarla doludur və məşqçi və prezidenti incə vəziyyətə salacaq".
saytlarin hazirlanmasi
