1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Keçmiş qarışıq döyüş ustası (MMA) Konor Makqreqor İrlandiyada qarşıdan gələn prezident seçkisində namizədliyini geri götürüb.
Oxu.Az-ın xəbərinə görə, o bu barədə özünün "X" hesabında paylaşım edib.
Makqreqor bildirib ki, hərtərəfli düşündükdən və ailəsi ilə məsləhətləşdikdən sonra prezidentlik yarışından geri çəkilmək qərarına gəlib.
"Bu, asan qərar deyildi, lakin indiki məqamda doğru qərardır", - deyə o qeyd edib.
"Bu seçkidə iştirak etməyəcəyimə baxmayaraq, mənim İrlandiyaya bağlılığım bununla bitmir. Xaricdə İrlandiyanın maraqlarını inkişaf etdirmək üçün beynəlxalq platformamdan istifadə edərək xalqıma xidmət etməyə davam edəcəyəm, iqtisadi imkanlarımızı gücləndirəcəyəm, ölkə daxilində ictimai həyatda şəffaflıq və məsuliyyətliliyi müdafiə edəcəyəm", - deyə Konor Makqreqor yazıb.
"Mən ABŞ-də qalacağam və irlandiyalılar üçün iş yerlərinin yaradılmasına imkan yaradacaq qarşıdan gələn planlaşdırılmamış görüşlərdə iştirak edəcəyəm.
Bu mənim siyasətə ilk addımımdır və mən bu turdan namizədliyimi geri götürmək qərarına gəlsəm də, ciddi irəliləyiş əldə olunub.
Mən İrlandiya xalqını əmin etmək istəyirəm ki, bu seçki mənim üçün sonuncu olmayacaq. Gələcəkdə siz məni yenidən təşviqat kampaniyasında, hüquqlarınız uğrunda mübarizə aparan və ölkəmizin maraqlarını təmsil edən şəkildə görəcəksiniz", - deyə o əlavə edib.
Qeyd edək ki, daha əvvəl İrlandiyanın əsas parlament partiyalarının Konnor Makqreqorun öz deputatlarından və seçkidə iştirak üçün müşavirlərdən kifayət qədər dəstək ala bilməməsi üçün əlbir olduğu bildirilirdi.
