Keti Beyts, Tramell Tillman və Set Rogen laureat oldular...
Poliqon xəbər verir ki, ABŞ-da keçirilən nüfuzlu televiziya mükafatı “Emmi”nin ilk qaliblərinə artıq mükafatları təqdim olunub. Təntənəli mərasimin canlı yayımını The Guardian aparır.
“Ən yaxşı komediya serialı aktyoru” nominasiyasında qalib Set Rogen olub. O, “The Studio” layihəsindəki rolu ilə fərqlənib. Bundan əlavə, Rogen həmkarı Evan Qoldberqlə birlikdə həmin seriala görə “Ən yaxşı komediya rejissoru” mükafatına da layiq görülüb. “Ən yaxşı məhdud serial və ya antologiya rejissoru” isə “Perehodnıy vozrast” (“Adolescence”) mini-serialına görə Filip Barantini seçilib.
Aktrisa Jean Smart öz karyerasında yeddinci dəfə “Emmi” qazanaraq, “Ən yaxşı qadın rolunun ifaçısı (komediya serialı)” nominasiyasında qalib olub. Onun canlandırdığı Debora Vens obrazı tamaşaçılar tərəfindən də yüksək qiymətləndirilib. “Ən yaxşı ikinci dərəcəli qadın rolunun ifaçısı (komediya serialı)” mükafatına Hannah Einbinder, “Ən yaxşı ikinci dərəcəli kişi rolunun ifaçısı (komediya serialı)”na isə Jeff Hiller layiq görülüb.
Dramatik seriallarda isə qaliblər arasında maraqlı adlar var. “The Pitt” serialındakı rolu ilə Ketrin LaNasa “Ən yaxşı ikinci dərəcəli qadın rolunun ifaçısı (drama)” nominasiyasını qazanıb. “Severance” (“Razdeleniye”) serialının ikinci mövsümündə çıxış edən qaradərili aktyor Tramell Tillman “Ən yaxşı ikinci dərəcəli kişi rolunun ifaçısı (drama)” seçilib. Eyni serialdakı performansına görə Keti Beyts isə “Ən yaxşı qadın rolunun ifaçısı (drama)” mükafatını əldə edib.
Mükafatlandırma mərasimi davam edir və yaxın saatlarda digər qaliblərin adlarının da açıqlanması gözlənilir.
Poliqon.info
