Danimarkada Ukraynanın “Fire Point” şirkəti tərəfindən zavodun tikintisi ilə bağlı mübahisə gedir. Zavodun işə salınmasını sürətləndirmək üçün hökumət 20-dən çox qanun və qaydalara məhəl qoymamaq qərarına gəlib. Bu barədə Oxuməni.az DR-ə istinadən məlumat yayıb.
Yeni hökumətlə Danimarka hökuməti Skridstrupda Ukrayna silah zavodunun tikintisi ilə bağlı 20-dən çox qanun və qaydalara məhəl qoymamağa imkan verəcək geniş səlahiyyətlər əldə edib.
Yeni qanunla, müdafiə naziri Troels Lund Poulsenin rəhbərlik etdiyi hökumət, layihə mühüm milli müdafiə məqsədləri və ya mülki fövqəladə vəziyyət ehtiyaclarına xidmət edərsə, digər qanun və qaydaları ləğv etmək və vətəndaşların şikayət vermək hüquqlarını məhdudlaşdırmaq səlahiyyətinə malikdir.
Ukraynanın “Fire Point” şirkəti Ukraynanın bəzi güclü raketləri üçün kritik komponent olan bərk raket yanacağı istehsal edən zavod tikməyi planlaşdırır.
Zavodun işə salınmasını sürətləndirmək üçün 20-dən çox müxtəlif qayda və qanuna məhəl qoyulmayacaq.
Bu, Danimarka Biznes Təşkilatının məsləhətləşmələr üçün göndərdiyi icra sənədi layihəsində deyilir.
Bundan əlavə, qanun Ukrayna silah istehsalçıları tərəfindən fabriklərin yaradılmasını sadələşdirir, həmçinin kazarmaların tikintisini asanlaşdırır. Qanun 2028-ci ilin sonuna qədər qüvvədədir.
Qeyd edək ki, Rusiya Federasiyasının tammiqyaslı işğalının ilk həftələrindən Danimarka Ukraynaya hərtərəfli yardım edir. Belə ki, may ayında Danimarka hökuməti Ukraynaya 4 milyard Danimarka krondan çox məbləğdə yeni hərbi yardım paketi elan edib ki, bu da 536 milyon avroya bərabərdir.
Aprel ayında Danimarka hökuməti Ukrayna üçün 6,7 milyard Danimarka kronu (təxminən 995 milyon dollar) dəyərində yeni müdafiə paketi elan edib.
Vəsaitlərin 2025-2027-ci illər ərzində paylanacağı bildirilib. Paketə hava hücumundan müdafiə sistemləri, artilleriya silahları və Ukrayna Hərbi Hava Qüvvələrinə maliyyə dəstəyi daxildir.
Bu arada, hələ mart ayında Danimarka Müdafiə Nazirliyi xüsusi innovasiya fonduna təxminən 40 milyon avro sərmayə qoymaq niyyətində olduğunu açıqlamışdı. Onun məqsədi müasir müharibə şəraitində Ukrayna ordusunun texnoloji imkanlarını gücləndirməkdir.
Sentyabrın 13-də məlum olub ki, Danimarka Ukraynanın bərpası üçün daha 375 milyon dollar ayıracaq.
Əziz MUSTAFA
