BAKI, 14 sentyabr. TELEQRAF
Özbəkistan və Malayziya 5 milyard dollarlıq birgə layihələr həyata keçirəcək.
Teleqraf "Zamin.uz"a istinadən xəbər verir ki, Özbəkistan və Malayziya ümumi dəyəri 5 milyard dolları keçən 40-dan çox birgə layihə həyata keçirməyi planlaşdırır.
Qeyd olunur ki, iki ölkənin liderlərinin qarşılıqlı səfərləri əlaqələrin möhkəmlənməsində mühüm rol oynayıb.
2024-cü ilin mayında Malayziyanın baş naziri Ənvər İbrahim 16 illik fasilədən sonra Özbəkistana səfər edib.
2025-ci ilin fevralında Özbəkistan prezidenti Şavkat Mirziyoyev 20 ildə ilk rəsmi səfərini Malayziyaya edib.
Nəşr bu tarixi səfərlərin və imzalanan sazişlərin iki ölkə arasında münasibətlərdə yeni səhifə açdığını bildirib.
1991-ci ildə Özbəkistanın müstəqilliyini tanıyan ilk ölkələrdən biri Malayziya olub.Diplomatik əlaqələr 1992-ci il yanvarın 21-də qurulub.
