“Avqustun 27-də İlham Əliyev demişdi ki, Azərbaycan 2024-cü ilin dekabrından sonra Rusiya ilə münasibətlərin korlanmasına görə heç bir məsuliyyət daşımır. Onun sözlərinə görə, Bakı “təcavüz və ya hörmətsizlik təzahürlərinə heç vaxt dözməyəcək”, – Rusiya mediası xatırladıb
Ajans.az xəbər verir ki, bununla bağlı Rusiya mediasında və Teleqram kanallarında məlumat paylaşılıb. Bildirilib ki, Prezident İlham Əliyev Xocavənd rayonuna səfərində son 5 ili “qələbə” sözü ilə təsvir edib. “Son beş ilin tarixi göstərdi ki, heç bir xarici qüvvə bizim iradəmizə təsir edə bilməyib”, – deyə Prezident Əliyev vurğulayıb. Prezident əlavə edib ki, Azərbaycan döyüş meydanında qələbə qazanaraq dünyaya gücünü sübut edib. Dövət başçısı həmçinin bildirib ki, Bakı həmişə ədalətə və beynəlxalq hüquqa əsaslanan sülhə sadiq qalıb.
