Çində minlərlə zavod boş qalıb, səbəb isə əhalinin azalması və iqtisadi inkişafın ləngiməsidir...
Çin on il əvvəl şəhərlərdə yığılan zibilləri həll etmək üçün nəhəng zibil yandırma zavodları şəbəkəsinə böyük investisiyalar yatırıb. Lakin hazırda bu müəssisələr fəaliyyətsiz qalıb və zərərlə işləyir.
Poliqon xəbər verir ki, bu barədə Financial Times (FT) məlumat yayıb.
Hazırda ölkədə 1000-dən çox tullantı yandırma elektrik stansiyası var ki, bu da tullantıdan enerji istehsalı üzrə qlobal gücün yarıdan çoxunu təşkil edir. Onlar gündə 1,1 milyon tondan çox zibil yandıra bilir ki, bu da hədəflənmiş göstəricilərdən xeyli artıqdır.
Bu vəziyyət operatorların artıq güclərlə bağlı problemlərlə üzləşməsinə səbəb olub. Bəzi zibil yandırma zavodları ilin böyük hissəsində fəaliyyətsiz qalır, bəziləri isə hətta tikinti sahələrindən sənaye tullantıları və ya yerli hökumətlərdən zibil almağa başlayıb.
Sənaye nümayəndələri qıtlığı Çin əhalisinin azalması və iqtisadi artımın yavaşlaması ilə əlaqələndirirlər. Onların sözlərinə görə, əhalinin sayı azaldıqca, "tullantıların həcmi təbii olaraq azalır".
Bəzi zavodlar tullantıların həcminin azalmasını qismən daha sərt çeşidləmə qaydaları və tullantıların təkrar emalı sisteminin təkmilləşdirilməsi ilə izah edirlər.
FT-yə açıqlama verən şərqdəki Cjeszyan əyalətindəki bir zavodun nümayəndəsi deyib: "Tullantıların azalması əslində yaxşı haldır. Bu o deməkdir ki, ətraf mühitin vəziyyəti yaxşılaşır".
Poliqon.info
