1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
İtaliya A Seriyasının 3-cü turunda "Yuventus" və "İnter" qarşılaşıb.
Oxu.Az xəbər verir ki, İtaliya derbisi qarşılıqlı qollarla keçib və 4:3 hesabı ilə ev sahiblərinin xeyrinə başa çatıb.
"Yuventus"un müdafiəçisi Lloyd Kelli 14-cü dəqiqədə hesabı açıb. "İnter"in kapitanı Hakan Çalhanoğlu 30-cu dəqiqədə bərabərliyi təmin edib.
Kənan Yıldız 38-ci dəqiqədə uzaq məsafədən vurduğu zərbə ilə meydan sahiblərini hesabda önə keçirib. Lakin Çalhanoğlu 65-ci dəqiqədə yenidən matçda tarazılıq yaradıb.
76-cı dəqiqədə Markus Türamın dəqiq zərbəsi Milan təmsilçisini oyun ərzində ilk dəfə önə keçirib. Lakin 83-cü dəqiqədə Hefren Türamın cavab qolu ilə matçda hesab yenidən bərabərləşib - 3:3.
Nəhayət, 90+1-ci dəqiqədə meydan sahiblərindən Vasilie Adziç "Qoca sinyora"ya qələbəni təmin edən qola imza atıb - 4:3.
Bu nəticədən sonra "Yuventus" 9 xalla turnir cədvəlində liderliyə yüksəlib, "İnter" isə üç xalla 11-cidir.
