ABŞ və Hindistan arasında gömrük tarifləri və ticarət prosedurları ilə bağlı yaxın vaxtlarda razılaşma əldə olunacağı gözlənilir. Bu barədə ABŞ-ın Hindistana yeni təyin olunmuş səfiri bildirib.
Bakuinfo Reuters-a istinadən xəbər verir ki, Səfirin sözlərinə görə, iki ölkə arasında ticarət əlaqələrinin genişləndirilməsi üçün gömrük məsələlərində əməkdaşlıq vacibdir. Razılaşma, gömrük prosedurlarının sadələşdirilməsi, tariflərin azaldılması və iki ölkə arasındakı ticarət maneələrinin aradan qaldırılmasını əhatə edəcək.
Hindistan bazarı ABŞ üçün böyük potensial malikdir və iki ölkə ticarət əlaqələrini gücləndirməklə həm iqtisadi, həm də strateji tərəfdaşlıq münasibətlərini dərinləşdirmək niyyətindədir.
Hazırda ABŞ və Hindistan arasında müxtəlif məhsullar üzrə tariflər və gömrük qaydaları mövcuddur ki, bunların optimallaşdırılması ticarət dövriyyəsinin artmasına səbəb olacaq.
Bu razılaşma həm ABŞ-ın Asiya bazarlarında mövqeyini gücləndirmək, həm də Hindistanın iqtisadi inkişafını dəstəkləmək məqsədi daşıyır.
