1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Şverin prokurorluğu (Meklenburq-Ön Pomeraniya federal əyaləti, Almaniya) Rusiyadan hədiyyə olaraq içərisində sabun, taxta heykəlcik və CD olan bağlama qəbul edən alman fermerə qarşı istintaqa başlayıb.
Oxu.Az xəbər verir ki, bu barədə NDR teleradio şirkəti məlumat yayıb.
Məlumata görə, fermer Avropa İttifaqının Rusiya Federasiyasına qarşı tətbiq etdiyi sanksiya rejimini pozmaqda şübhəli bilinir.
Bağlamanın dəyəri 26,83 avro olaraq qiymətləndirilib. Bu, Sibirdə yaşayan tanışının alman fermerə Pasxa münasibətilə göndərdiyi hədiyyə olub.
Prokurorluq fermerə istintaqın başlanması barədə rəsmi bildiriş göndərib və ondan iş üzrə yazılı izahat tələb edib.
