"Azərbaycanda təhsil sisteminin səviyyəsi qeyri-kafidən kafiyə doğru irəliləyib".
BAKU.WS Oxu.Az-a istinadən xəbər verir ki, bunu sentyabrın 12-si "2025-2026-cı tədris ili: yeniliklər və hədəflər" mövzusunda keçirilən tədbirdə elm və təhsil naziri Emin Əmrullayev deyib.
O qeyd edib ki, qarşıdakı illərdə isə prioritet məsələ kafidən yaxşıya doğru inkişaf etməkdir:
"Mümkün deyil ki, biz yaxşıdan sonrakı mərhələdə tətbiq olunan alətləri bu günün təhsil sisteminə tətbiq edək. Çünki sistemin özü o mərhələdə deyil. Bizi qarşıda uzun və çətin yol gözləyir. Çalışmalıyıq ki, həm təhsil sistemini, həm də təhsilin keyfiyyətini qaldıraq".
