Sentyabrın 10-da Abşeron–Xızı Regional Təhsil İdarəsinin müdiri İlhamə Abdullayevanın doğum günü münasibətilə sosial şəbəkələrdə müxtəlif paylaşımlar edilib.
Pravda.az “PostMedia”ya istinadən xəbər verir ki, bəzi istifadəçilər idarə rəhbərini təbrik edərək ona xoş arzular ünvanlayıblar. Digərləri isə idarənin fəaliyyətindən narazılıqlarını bildiriblər. Tənqidi rəylərdə əsasən idarəçilik, təşkilati və digər məsələlər önə çəkilib.
Maraqlı məqam isə istifadəçilərdən birinin seirlə İlhamə Abdullayevanın doğum gününü təbrik etməsi olub.
Qeyd edək ki, Azərbaycanda məmurlara şeir həsr edilməsi yeni hal deyil. Bir neçə il öncə sabiq mədəniyyət və turizm naziri Əbülfəs Qarayevə Nazirliyin şöbə müdiri Vaqif Bəhmənli tərəfindən şeir yazılmışdı. Həmin hadisədən sonra Bəhmənliyə “töhmət” elan edilmiş və az sonra vəzifəsindən azad olunmuşdu.
İlhamə Abdullayeva həsr edilən şeiri təqdim edirik:
Siz anasız, həm bacı,
Həm də müəlliməsiz.
Deyərdim ki, dünyanın,
Bəli, xoşbəxti sizsiz.
Ədiblər, nasirimiz,
Elm, təhsil sahibimiz,
Anaya seçib eptit,
Sizə Vətən deyiblər!
Vətənədə ki, onlar,
Bəli, ana deyiblər.
Nə qədər xoşbəxtsiniz,
Həm ana, vətənsiniz!
İki sənət sahibi,
Bizə bəllidir, bəli!
Onun biri müəllim,
Biri isə həkimdir.
Müəllim ümdə sənət,
Elm, təhsil verəndi.
Bəşər üçün müəllim,
Həyat vəsiqəsidi!
Müəllimi olmayan,
Ölkə xaraba qalar.
Əxlaqdan, tərbiyədən,
Orda əlamət olar?
Gör nə qədər xoşbəxtsiz,
Siz təhsilin önündə,
Ümdə addımlarızla,
İrəliyə gedirsiz.
Ana müəllim olsa,
Həkim, həm hakim olsa,
Cəmiyyət xoşbəxt olar.
Həkim övladı kimi,
Xəstəyə qulluq edər.
Hakim bir ana kimi,
Hökmü ədalət ilə,
Çıxarıb qərar verər!
Atadan çox, anadan,
Biz tərbiyə alırıq.
Ana müəllim olsa,
Gör, biz necə xoşbəxtik!
Sizi təbrik edirəm,
Peyğəmbər övladıtək,
Əl açıram, Allaha,
Allaha tapşırıram!
İlhaməni, İlahi,
Özün qoru deyirəm!
Allah sizə yar olsun,
Pənahında saxlasın!
