1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
"Belarusun Hava Hücumundan Müdafiə Qüvvələri Polşa və Litvadakı həmkarlarını uçan naməlum obyektlərin onların ərazilərinə yaxınlaşması barədə xəbərdar edib".
Oxu.Az-ın xəbərinə görə, bunu Belarus ordusunun Baş Qərargah rəisi Pavel Muraveyko deyib.
"Mövcud qarşılıqlı əlaqə kanalları vasitəsilə sentyabrın 10-da saat 23:00-dan - (Bakı vaxtı ilə 00:00 - red.) 04:00-a qədər (Bakı vaxtı ilə 05:00 - red.) bizim növbətçi hissələrimiz Polşa və Litvadan olan həmkarları ilə hava və radar vəziyyəti barədə məlumat mübadiləsi aparıb", - Pavel Muraveyko vurğulayıb.
Onun sözlərinə görə, respublikanın hava hücumundan müdafiə sistemləri gecə saatlarında elektron müşahidə nəticəsində hava məkanına daxil olan PUA-ları izləyib və onların bəziləri ölkə hərbçiləri tərəfindən vurulub.
