Fransada hökumətin iqtisadi siyasətindən narazılıq səbəbilə kütləvi etirazlar başlayıb.
Publika.az xəbər verir ki, bu barədə RT məlumat yayıb.
Parisdə nümayişçilər "Place de la Nation" meydanına gediblər. 800-ə yaxın etirazçı paytaxtın dairəvi yolunu bağlayıb.
Marselin mərkəzində bir neçə yüz insan küçələri zibil qutuları ilə bağlayır. Polis nümayişçiləri dağıtmaq üçün qumbaraatanlardan istifadə edir.
Etirazlara hökumətin sosial-iqtisadi siyasətindən artan narazılıq, o cümlədən qiymət artımı və həyat səviyyəsinin aşağı düşməsi səbəb olub. Ölkənin bir sıra böyük şəhərlərində vəziyyət gərgin olaraq qalır.
Qeyd edək ki, sentyabrın 10-da Paris, Lion, Tuluza, Nant və Renn şəhərlərində kütləvi etirazlar gözlənilir. Onların hazırlığı bu ilin yayından sosial şəbəkələrdə müzakirə olunur.
