Azpolitika.az portalından verilən məlumata görə, ain.az xəbər yayır.
ABŞ Prezidenti Donald Tramp Vaşinqtonda axşam yeməyi üçün getdiyi restoranda etirazla üzləşib.
Etiraz, vətəndaş cəmiyyəti təşkilatı "CodePink"-in üzvləri tərəfindən Trampın İsraili dəstəkləməsinə qarşı təşkil olunub.
Vitse-prezident J.D. Vens və bir neçə kabinet üzvü ilə birlikdə restorana daxil olan Tramp, qadın nümayişçilərin səsləndirdiyi şüarlara qısa müddət baxıb və onlara əl yelləyərək cavab verib.
Etirazçılar “Fələstinə azadlıq, Vaşinqtona azadlıq” və “Tramp bu günün Hitleridir” kimi şüarlar səsləndirərək Qəzzada insanların çətin vəziyyətdə olduğunu diqqətə çatdırıblar.
Məlumata görə, nümayişçilər restorandan çıxarıldıqdan sonra da şüarlarını davam etdiriblər. Hadisə zamanı Trampın reaksiyası, onun etirazçıları sakitləşdirməyə çalışması və əl yelləməsi kameralar tərəfindən qeydə alınıb.
"AzPolitika.info"
Sonrakı hadisələr barədə daha çox məlumat almaq üçün ain.az saytını izləyin.
