...Əsərdə ənənəvi parik və qara xalatda yerdə uzanmış etirazçıya zərbə endirən hakim təsvir edilib. Etirazçının plakatında qan izləri görünür.
SİA-nın məlumatına görə, bu barədə BBC yazır.Divarda konkret bir hadisəyə istinad edilməsə də, onun görünüşü Britaniya paytaxtında kütləvi həbslərlə üst-üstə düşür.
İki gün əvvəl polis etiraz aksiyası zamanı 900-ə yaxın adamı həbs edib.
Rəsm görünəndən bir neçə saat sonra plastik təbəqələr və metal hasarlarla örtülmüşdür.
İndi divar mühafizəsi əməkdaşları tərəfindən qorunur və onun üzərində müşahidə kamerası quraşdırılıb.
Benksi özü də İnstaqram səhifəsində əsərin fotosunu yerləşdirərək müəllif olduğunu təsdiqləyib.
Rəsm Ali Məhkəmə kompleksinin bir hissəsi olan Kral Binasının xarici divarında yerləşir.
Benksinin yaradıcılığı ənənəvi olaraq hakimiyyətin, müharibənin və kapitalizmin kəskin tənqidi ilə seçilir.
Ötən yay rəssam Londonda doqquz “heyvan” əsərindən ibarət kampaniya yaradıb, o cümlədən London Zooparkının girişindəki barmaqlıqları qaldıran qorilla, Şəhər polis qutusunda piranalar və Pekhemdə peyk antenasına çəkilmiş canavar.
Sonuncu əsər ortaya çıxandan bir saat keçməmiş götürülüb.
Nazlı Almuradova
