...Bu həftə Brüssel Rusiyaya qarşı 19-cu sanksiyalar paketini təklif edəcək. Ən maraqlısı odur ki, yeni “qara siyahı”ya iki Mərkəzi Asiya ölkəsinin bankları da daxil edilməlidir.
SİA-nın məlumatına görə, Sky News-un jurnalistləri xatırladır ki, iki Çin bankı və Hindistandakı Nayara neft emalı zavodu artıq sanksiyalar siyahısına daxil edilib.19-cu sanksiyalar paketi ilə bağlı qalan detallar hələlik məlum deyil.
Keçən həftə Avropa İttifaqının sanksiya nümayəndələri sanksiyalar siyasəti vasitəsilə Kremlə təzyiqin artırılması ilə bağlı danışıqlar aparmaq üçün ABŞ-da olublar.
Bloomberg artıq bank sektoru və enerji şirkətlərinin sanksiyalara məruz qalacağını bildirib.
Brüssel Rusiyaya təzyiqi artırmaq üçün sanksiyalar məsələsində ABŞ-la birləşmək istəyir. ABŞ-ın energetika naziri Kris Rayt açıq şəkildə bildirib ki, Avropa İttifaqı Kremldən neft və qaz almağı dayandırarsa, Vaşinqton Rusiyaya qarşı sanksiyaları artırmağa hazırdır.
Əli Babayev
