Sentyabrın 8-də Rusiyanın Saratov vilayətinin Krasnoarmeyskiy rayonunda magistral neft kəmərində güclü partlayış baş verib.
Moderator.az xəbər verir ki, bu barədə RBK-Ukrayna mənbələrə istinadən məlumat yayıb.
Partlayış nəticəsində Rusiya ordusunu neft məhsulları ilə təmin edən "Kuybışev-Lisiçansk" magistral neft kəməri sıradan çıxarılıb.
Mənbələrin sözlərinə görə, bu, Rusiyanın yalnız son bir gündə sıradan çıxmış üçüncü neft-qaz infrastruktur obyektidir. Daha əvvəl Rusiya Federasiyasının Penza bölgəsində qaz və neft boru kəmərlərində partlayışların olduğu bildirilib.
