Venesuelanın vitse-prezidenti Delsi Rodriqes ABŞ-ı qanunsuz narkotik ticarətində əsas rol oynayan ölkə kimi qiymətləndirib və bildirib ki, bu biznesdən əldə olunan gəlirin təxminən 85%-i ölkə daxilində qalır.
Editor.az xəbər verir ki, Rodriqes dövlət televiziyası VTV-də keçirdiyi mətbuat konfransında Vaşinqtonu Karakas barədə ittihamlar irəli sürməkdə tənqid edib:
“ABŞ bu problemi öz ölkəsi daxilində həll etməlidir. Bu, bura gəmilər göndərməkdən qat-qat asan olar,” – deyə vitse-prezident vurğulayıb.
O, həmçinin qeyd edib ki, beynəlxalq ictimaiyyətin diqqətini ABŞ-da narkotik ticarətinin qarşısının alınmasına yönəltmək daha effektiv olardı.
//Samir Qurbanov, Editor.az
