Tehranda Ermənistan, İran və Hindistan arasında xarici işlər nazirlikləri səviyyəsində üçüncü siyasi məsləhətləşmələr raundu keçirilib.
Yenisabah.az xəbər verir ki, İran nümayəndə heyətinə XİN-in Cənubi Asiya üzrə baş direktoru Məhəmməd Rza Bəhrami, Hindistan nümayəndə heyətinə XİN-in regional baş direktoru Anant Prakaş, Ermənistan nümayəndə heyətinə isə XİN-in Asiya-Sakit okean departamentinin rəhbəri Anahit Karapetyan rəhbərlik edib.
Görüşdə tərəflər əməkdaşlığın genişləndirilməsi və dərinləşdirilməsinin vacibliyini vurğulayıblar. pizza mizza
Əsas müzakirə mövzuları arasında nəqliyyat sahəsində əməkdaşlıq xüsusi yer tutub. Bu kontekstdə Şimal-Cənub Beynəlxalq Nəqliyyat Dəhlizi (INSTC), Ermənistanın “Dünyanın kəsişməsi” layihəsi və Çabahar limanının strateji yerləşməsindən istifadənin perspektivləri önə çəkilib.
Bundan başqa, iqtisadi, ticarət və mədəni əlaqələrin inkişafı, “xalqdan xalqa” münasibətlərin möhkəmləndirilməsi və qarşılıqlı maraq doğuran digər məsələlər də müzakirə edilib.
Razılaşmaya əsasən, növbəti üçtərəfli görüş tərəflərin müəyyənləşdirəcəyi tarixdə Ermənistanda keçiriləcək./Musavat.com
Telegram kanalımız
