Gecə edilən dəri baxımı sağlam, parlaq və gənc görünən dəri üçün çox vacibdir. Lakin mütəxəssislər insanların tez-tez bilmədən bu prosesi zədələyən səhvlərə yol verdiyini bildirirlər.
Pravda.az xatırladır ki, bu səhvlər dəridə quruluq, sızanaq, vaxtından əvvəl qocalma və qıcıqlanma kimi problemlərə səbəb ola bilər.
Dermatoloqların diqqət çəkdiyi 5 geniş yayılmış səhv:
Makyajla yatmaq: Gözənəkləri tıxayaraq dəriyə nəfəs almağa imkan vermir.
Uyğun olmayan məhsullar seçmək: Hər dəri tipi üçün düzgün olmayan kremlər balansı poza bilər.
Üzü yuyub təmizləmədən krem çəkmək: Gün boyu yığılan kir və yağ təmizlənmədikdə məhsullar təsirsiz olur.
Həddindən artıq məhsul istifadə etmək: Çox məhsul qarışdırmaq dəri baryerini zəiflədə bilər.
Yastıq üzünü tez-tez dəyişməmək: Çirkli üzlüklər bakteriyaların dəriyə keçməsinə və sızanaqlara səbəb olur.
Mütəxəssislər vurğulayır ki, gecə baxımında sadəlik, düzgün məhsul seçimi və gigiyena əsas şərtlərdəndir.
Əminə Bayramova
