Şimali Karolinanın Şarlotta şəhərində ukraynalı qaçqın İrina Zarutskaya qatarda hücuma məruz qalıb. Hadisə şəhər rəhbərliyinə qarşı ciddi tənqidlərə səbəb olub.
Redaktor.az xəbər verir ki, bu haqda Associated Press məlumat verib.
Məlumata görə, bıçaqlı hücum Tramp tərəfdarlarının qəzəbinə səbəb olub. Onlar hesab edirlər ki, şəhər rəhbərləri və qubernatorlar insanları qoruya bilmirlər.
Bəzi respublikaçılar da bu hadisədən istifadə edərək demokratların polis və məhkəmə islahatlarını tənqid ediblər.
Şarlottanın meri Vi Layls isə hadisəni törədən şəxsin psixi sağlamlıq problemlərindən danışdığına görə sağçılar tərəfindən tənqid olunub.
Aytəkin TOFİQQIZI
