1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rusiya bazarında "Lada" brendinin rəsmi istehsalçısı olan "AvtoVAZ" 23 min avtomobilin geri çağırıldığını elan edib.
Oxu.Az xəbər verir ki, bu barədə "Rosstandart" məlumat yayıb.
Bildirilir ki, geri çağırılanlar arasında 8912 ədəd "Lada Niva Legend" avtomobili var. Onların təcili xidmətlər çağırış bloku (ERA-GLONASS), eləcə də təhlükəsizlik yastığı sistemini idarəetmə bloku (SNPB) yoxdur.
Söhbət 2021-ci ilin oktyabrından 2024-cü ilin mayına qədər istehsal olunmuş avtomobillərdən gedir.
Bundan əlavə, 14 024 ədəd "Lada Niva Travel" avtomobili servisə göndəriləcək. 2021-ci ilin oktyabrından 2023-cü ilin noyabrına qədər istehsal edilmiş yolsuzluq avtomobillərində də təcili xidmətlər çağırış bloku yoxdur.
Qeyd edilən bütün avtomobillərdə çatışmayan bloklar quraşdırılacaq.
