BAKI, TurkicWorld
Venesuela prezidenti Nikolas Maduro Kolumbiya ilə sərhəd bölgəsinə, eləcə də respublikanın Karib dənizi və Atlantik sahillərinə 25 min hərbçinin yerləşdirilməsi barədə göstəriş verib.
TurkicWorld xəbər verir ki, bu barədə Maduro canlı yayımda çıxışı zamanı danışıb.
Prezident bildirib: "Mən Kolumbiya ilə sülh zonasında, Karib dənizi sahillərində və Nueva Esparta, Sucre və Delta Amakuro əyalətlərinin Atlantik sahillərində sürətli cavab taktiki tapşırıq qüvvələrini gücləndirmək üçün şanlı Milli Bolivar Silahlı Qüvvələrimizin 25,000 kişi və qadınının yerləşdirilməsini əmr etdim."
O, əlavə edib ki, səfərbərliyin əsas məqsədi milli suverenliyi qorumaq, ölkənin təhlükəsizliyini təmin etmək və sülh uğrunda mübarizəni gücləndirməkdir.
