İsrail müharibəni dayandırmaq və girovları Həmasdan azad etmək üçün razılaşmanın müqabilində Qəzza şəhərinə hücumu dayandırmağa hazırdır.
Bu barədə RBC-Ukrayna “The Times of Israel” nəşrinə istinadən xəbər verir.
Qeyd olunur ki, belə bir bəyanat İsrail mediasında ABŞ, Qətər və Misirin bütün girovların vətənə qaytarılmasına imkan yaradacaq tam razılaşma təklif etməyə hazırlaşdıqları barədə məlumatlara cavab olaraq verilib.
Məlumat Netanyahu hökumətinin artıq qismən razılaşmaları nəzərdən keçirməyəcəyini elan etdikdən sonra verilib.
Bundan əvvəl HƏMAS müharibəyə son qoyacaq istənilən razılaşmaya, eləcə də İsrail qoşunlarının tamamilə çıxarılmasına, humanitar yardımların maneəsiz əldə edilməsinə və digər tələblərə hazır olduğunu bəyan edib.
Əziz Mustafa
