1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Rəsmi Varşava Belarus ərazisində olan Polşa vətəndaşlarını "istənilən vasitə ilə" mümkün qədər tez ölkəni tərk etməyə çağırıb.
Oxu.Az-ın RBK-ya istinadən verdiyi xəbərə görə, müvafiq çağırışla Polşa Xarici İşlər Nazirliyi (XİN) çıxış edib.
"Bu xəbərdarlıqlara mümkün qədər ciddi yanaşın" , - deyə Polşa XİN-in sözçüsü Pavel Vronski deyib.
Xatırladaq ki, bir gün əvvəl Polşa XİN ölkə vətəndaşlarına Belarusa getməməyi tövsiyə etmişdi. Bu bəyanat Polşa vətəndaşının Belarusda casusluqda şübhəli bilinərək saxlanılmasından sonra verilmişdi.
Belarus tərəfinin məlumatına əsasən, o, qarşıdan gələn "Qərb-2025" Belarus-Rusiya təlimləri haqqında məlumat toplayırmış.
"Biz saxlanılan şəxsə öz missiyamız çərçivəsində diplomatik və hüquqi dəstək göstərəcəyik. Bu təxribatın məqsədi Polşa və Ukraynada vəziyyətin sabitliyini pozmaqdır" , - deyə Vronski vurğulayıb.
