PSJ-nin baş məşqçisi Luis Enrikenin başına bədbəxt hadisə gəlib.
Axar.az xəbər verir ki, bu barədə klubun mətbuat xidməti məlumat yayıb.
Bildirilib ki, mütəxəssis velosipeddən yıxıldıqdan sonra körpücük sümüyünü sındırıb. O, xəstəxanaya çatdırılıb.
Enrikenin əməliyyat olunacağı vurğulanıb.
Qeyd edək ki, Luis Enrike 2023-cü ilin yayından PSJ-ni çalışdırır. Fransa təmsilçisi ötən mövsüm Çempionlar Liqası, Fransa çempionluğu, kubokunu və Superkuboku qazanıb.
